و.. بلقاك

هو لكن جنس وجع ياااااااااا ود المشرف

وجع الغربه دوماً يتفجر حنين وشجون

وهي البنيه الطاعنه الطاااااااااعمه مِتِل ترات نخيلنا

بنيه سمراراوية وكاكاويه سموها السودان

أحبك وطنّا برغم العذاب أحبك كتير

الزاد زاد الله
والبلد بلد الله
ونحن زاااااتنا حقين الله

ومافي غير تسأل الله السلامه
في كل حال وحالة شعورية وشعور

الأوجاع أكثرها لِذةً ... هي أوجاع الروح

أوجاع العِشق أوجاع الحُب

كم تألم ..
ما تكلم ..
الا تمتم ..
فى المقال ..

كم تبسم
وترنم
كم كم وقال

أحبك يا ود المشرف
وأحب أبوك زاتو ياخ

MOHD. ALMUSHARAF كتب:

دواخلك مداخلك ..
شجونك تتاوق تمدد سواحلك
قصيدة و..مرافى
تفارق ملامحك ..
معالم سكوتنا
و..خوفنا الخرافى
وتسكن بيوتنا
نقالدك مداين
بتمشى و .. تفوتنا
نشوفك جناين ..
أرضنا و..شمسنا
صباحك يعاين ..
ونيلك شجونك
بيك و..بدونك
بنعشق عيونك
حركتك .. سكونك
وليلنا البخونك
ريدة و..محنه
يبهرج وجودك
مساحة فرحنا
نغادر حدودنا و..ونسكن عيونك

ونرجع آخر الليل حزانى ..
نتخبط بوصلة للعشق فى كل اتجاهات الشتات , تزهو نواصى الطريق اليك و..الامسيات
تدير هواك على العاشقينا ..وتهتف فينا
الا .... سواك

و..ترجع خطاك
بتفرض وجودك
وترفض سكوتنا
وترسم ملامحك ..
خرايط بيوتنا
تعرج قلوبنا
دروبنا البتبدأ
تفارق دروبك
وتنكر هواك ..
و.. بلقاك
وبتلقينى ..
برغم الخوف المالى عيونك

ومالينى

برغم الحزن الساكن فيك
وساكن فينى
برغمى و.. رغمك
بفضل عشقك فينى خيال

محض قصايد

ما

بتتقال
فيها عيونك سكة دمى

لفة حنينة , وذات الناصيه
وشارع واسع

وحس اطفال

ود الطريفي...
رحلة إبداع ..طروبة..وشجية ...

ودالامام ..
مشتاقين موت , بس ود الطريفى ده منو ..؟

اوع تكون بعوضة السودان ديك اشتغلت فيك ..

سلامات .. الف سلامة

MOHD. ALMUSHARAF كتب:

ودالامام ..
مشتاقين موت , بس ود الطريفى ده منو ..؟

اوع تكون بعوضة السودان ديك اشتغلت فيك ..

سلامات .. الف سلامة

هههههههههههههههههه
شكلها كده يا ود الطريفي ...
سامحني ياخ ..اللخمة برضو بتعمل كده ..
يازول تاني بقول ليك محمد كمخرج ..يا مخرجنا الرائع ..