الشاعر الكبير مدني النخلي معنا وبيننا ،، الف مرحب به

علِّـمي عيوني السفر


مدني يوسف النخلي


علمي عيوني السفر ..

ما البسافر في عيونك ..

سكتو تبقى السلامة ..

بنسى أحزانو ..

وبعرف الدنيا جنبك إبتسامة ..

ضللي الناس بي حنانك ..

أبقي ليهم ضُل غمامة ..

الشقا اللازمني مدة ..

يوم إفوت ، والفرحة تبدأ ..

ما بقول فارقني عدَّا ..

عشان بخاف ترحل عيونك ..

وتنهزم فيني الأماني ..

وبي أساهو وبي شقاهو ..

تاني إتوشح زماني ..

أصلو غير عينيك وحاتك ..

ما في للأفراح معاني ..

جينا ليك .. شوق في عيونا ..

وفي عيونك شوق إناغم ..

الشجون باكر بترحل ..

والزمن يصحى ويسالم ..

الحلم يصبح حقيقة ..

وتنسجم في الحب ظروفه ..

والحنين تزهر غصونه ..

والعشم دانيات قطوفه ..

شوفي كيف يوم بكرة عامر ..

هاتي إيدك شان نشوفه ..